MARS

hindi ka si mars. Hinding hindi ka magiging asiya. Asul pa ang namamayani sa iyong kalawakang maramdamin. may mga puting mapagtampong ulap pa rin. mga masungit na karagatang berde.
hindi ka pa nga nakalalakad sa sirkulong magtatapat man lang sa kanya, 'wag kang mayabang.
Hindi ka pa nga nakakahinga ng walang hininga, 'wag mong ipagmainan ang iyong huwad na kadakilaan.
hindi ka pa nga nakakapag-isip, ipaghahambog mo ng kaya mo nang maghari?

Patikasin mo muna ang iyong bisig upang higit mo akong mayakap, upang higit mong maranasan ang init ng iyong kalagayan. Ibabad mo ang iyong sarili sa dagat ng apoy at lapnusin kay pluto at saka ka mapapansin sa akin o sa kanila.

Gayumpaman,
ikaw pa rin ang aking mundo.