hindi ka si Mars. Hinding hindi ka magiging siya.
asul pa ang namamayani sa iyong kalawakang maramdamin.
may mga mapagtampong ulap pa rin.
mga masusungit na karagatang berde.
hindi ka pa nga nakakalakad sa sirkulong magtatapat man lang sa kanya, 'wag kang mayabang.
hindi ka pa nga makakahinga ng walang hininga, 'wag mong ipagmainam ang iyong huwad na kadakilaan.
hindi ka pa nga nakakapag-isip, ipinaghahambog mo nang kaya mo nang maghari?
patikasin mo muna ang iyong bisig upang higit mo akong mayakap, upang higit kong maranasan ang init ng iyong kalagayaan.
ibabad mo ang iyong sarili sa dagat ng apoy at lapnusin kay Pluto at saka ka magpapansin sa akin o sa kanila.
gayumpaman,
ikaw pa rin aking mundo.
No comments:
Post a Comment